與友人談起出席婚禮的經歷，大家除了把焦點落在婚禮安排上，另一焦點便是新娘打扮。唔講唔知，當新娘以為自己悉心打扮，可以令人眼前一亮時，原來都有忽略 保養 微細但顯眼的部位！借此記下以下幾點，新娘要做足準備工夫！

捽走唇部死皮

唇部常有甩皮問題，單靠潤唇膏唔work，仲要keep住做磨砂，捽走死皮，先有機會擁有水潤豐唇，同新郎kiss kiss就無咁尷尬！

提早半年開始修眉

修眉不是一朝一夕的事，眉型需要幾個月時間慢慢調整，新娘唔好諗住靠大日子由化妝師修眉就算。而且，做facial時美容師只會幫你修雜毛，而非調整眉形，建議新娘做facial時請美容師skip呢部分，留待專業的修眉師操刀。

背部磨砂

自己睇唔到慨地方先系最危險！鐘情大露背晚裝的新娘子，你的背部ready好未？去印、脫毛都是to-do list之一！

小心Bra Bra印痕

如果選擇露背婚紗，新娘在早上穿裙褂出門時，不應穿著一般胸圍。因為胸圍會令背部出現印痕，一時半刻很難消散，露背時會影響美感。

腳甲都要扮靚！

假如你的婚鞋屬露趾款式，記得為腳甲扮靚，簡單修甲加上裸色甲油，已經好perfect!